الطب والصحة

ان الحمد لله ..نحمده ونستعينه ونستغفره ونستهديه ..ونعوز بالله من شرور انفسنا ومن سيئات اعمالنا ..
اما بعد ..

**هاك بيان بعض من قوانين القسم ..
بغض النظر عن القوانين والحاجات الثابته والمعروفه ..من عدم التعدي بالالفاظ الخارجه ..واحترام الزميل في المنتدي ..عدم ارتكاب افعال خارجه
..عن العادات والتقاليد اما بموضع خارج او كلام بزئ دي احنا خلصانين منها خلاص ..
اللي ها اقوله جديد وهو ما يلي ..
قسم كلام مش في الطب كما يظهر من اسمه لا يدخل ضمنها اي موضوع خاص بالطب ..
بالعربي كده ...يبقي المواضيع الدينيه ليها قسمها الخاص ..قسم نحو الجنه ..
ها تكتبلي مواضيع ترفيهيه او كوميديه ..اقولك مكانها مش هنا ..لها قسم خاص بيها ..قسم الملاهي..
ربنا كارمك وبتكتب شويه خواطر واشعار من تأليفك مكنها مش هنا برضوا ..اما بقه لو ناقلها من حد ماشي ها نعديها لك اكتبها يا سيدي عندنا

لو الاخ من اللي بيحب مواضيع الحوار ..دي تفرق بقه علي حسب نوعها ..حوار جاد وفي الممنوع
مش مكانه هنا قسمه في الممنوع ..اما لو بقي في الطراوه ..حاجه funny >>مسامحينك يا عم اكتبه عندنا..
اهو مروقين عليكم ..لسه في نفسكم حاجه
بالعربي كده خدلك لفه وشوف اسماء اقسام المنتدي ..وبعدين حط موضوعك عندنا ..

المفيد بقه ..
لما عملنا الموقع دا ..قلنا نعمله للأستفاده ..ونخدم بعضنا البعض..ونكون مجتمع صغيوور نحل فيه مشاكلنا ..ونشوف طلباتنا
ها تجيبلي مواضيع تفيد وتحقق المطلوب ..اقولك انت كده وصلت ..
ها تجيب مواضيع ..ملهاش لزمه ..مش ها تفيد من الاخر ..معلش ماتزعلش من الحق ..ها تلاقيها في الارشيف
لو عايز تتطمن عليها ..وتتعب نفسك بقه وتجيبها ليه ..مادام ها تلاقيها في الارشيف
علي فكره ممكن تضيفه هناك...علي طول وتوفر وقت


ورجاءا مش كل همنا عملية قص ولصق ..وخلاص
المفروض نشوف الموضوع نقراه 100 مره قبل ما نكتبه ..
**حاجه كمان المواضيع المثبته ها تاخد فترة اسبوعين او اقل ..من اخر رد اتكتب فيها .لو محدش اضف حاجه يلغي التثبيت .

اضافات هامه..
اولا بالنسبه للمواضيع ...من يري ان الموضوع بحاجه الي التثبيت او لديه الرغبه لتثبيت موضوع ..يبعت ليا رساله ويديني عنوان الموضوع ..((طبعا في قسمي بس..
تانيا.. اي مشاركه قد يراها عضو ما انها مخالفه ..او لديه تعليق ضدها..لايمنع بادلاء تعليقه ..ونحن سوف نتصرف..
ثالثا ..نرجو من الاعضاء الكراااام ..عدم اضافة اكتر من موضوعين في كل قسم ..حتي يأخذ الموضوع حقه في القرائه..وشكرا
رابعا والاهم..اي عضو او عضوه ..يتعرض للمضايقه في رد ..او تعليق ..من قبل شخص ما او من قبل المشرف خاصة ..
قفط ما عليك الا بارسال رساله ..فوريه لمدير المنتدي drmohamadali او نا ئبيه dr_lionheart dr.possy
حاجه اخيره..مش شرط عليا اني لما اعد مشاركه اني ابلغ صاحبها..علي كده انا مش ها الاحق ابلغ ..اي مشاركه مخالفه ..لست مجبر علي التبليغ عن التعديل

مشكور اخى على هذا الموضوع الجميل وقلمك المميز

وجزا الله خير